原稿係...寫到超密既一段文章
五顏六色咁，睇到頭都暈埋...
為左俾大家感受我閱讀時既感覺
format 100 % copy
我已經變成左小克既fans 啦
但係，我對呢篇文，係唔認同架
太偏激啦...
不過，都有d 位幾到肉
比較有共鳴的是異性學琴果段
都唔只琴啦...其他樂器都係啦
我諗左好耐，先諗到3個異性係全情投入架咋...
同埋邊個話女人一定要靠男人架...?
我相信響呢個世界，女人既生存能力係高過男人好多...
嗯，耐唔耐係會聽到一d異性話: 早d 嫁左佢好過唔駛煩...
我無諗過呢種消極意識，竟然會滲透到彈琴度喎...
發生乜野事呀
詳情請閱全文↓
Copied from 《偽科學鑑證3 - 心上人》小克
致各家長：
細個你有寫過我的志願? 但係之後仲有無老師同你提理想?
各大家長呀家長們，你不停要啲囝囝囡囡去學繪畫學書法學跳舞學溜冰學彈琴學乜學物學咁鬼多野做乜呀? 目的係為左乜野呀? 你心知肚明啦! 為左鋪路入St. Paul 入拔萃丫嘛! 問題係呢，你知唔知繪畫書法鋼琴溜冰芭蕾舞，呢d 野全部係要有種強烈既熱愛先會做得好架! 咁當你既仔女(無論自願或被迫地)投入左熱愛產生左感情，甚至想將興趣變成終職業，呢一刻點解你會露出一副咁不悅既神情呢?當佢立志將來要做個畫家做個書法鋼琴演奏家舞蹈家運動員...有咩問題呢又?
都唔好講到咁遠，佢只係希望中學畢業之後報讀演藝啫!讀演藝好失禮你咩依家? 讀表演藝術有咩唔妥先家陣!你叫個女响親戚面前彈莫札特彈蕭邦咁呢吓野唔係表演藝術呀? 吓? 點解佢6歲既時候你分吋佢咁做但係大個左你又唔容許佢咁做呢? 我認識既異性朋友當中幾乎每都識彈琴，但係亦都幾乎無一個係真正喜歡音樂架! 佢地極其量只係懂得同時兩隻手去操控一件樂器既人咋! 當事業同感情問題同時出現既時候一樣handle 唔到架喎! 考到演奏級又點呢? 最多彈下琴發洩下，但係黑白鍵拼湊出來旋律，竟然完全幫唔到佢以另一個角度去看待呢個世界! 唯一既得著只係: 當有一日天要靠自己時︳佢仍然有一技之長---教琴維生，唔需要靠男人! 哇! 呢個咁可怕既絕境求生觀念，係你由細到大灌輪俾佢既!佢五歲果件彈到<紅河谷>你拍爛手掌; 十五歲果年彈到<即興幻想曲>你嫌佢嘈; 三十歲既時候佢彈<人來人往>，佢先第一次彈琴彈到流眼淚。
太多太多朋友同我講，話佢地細個好鍾意畫公仔，但因為父母覺得畫公仔搵唔到食，所以無繼續進修。好，我要感激呢種父母有呢種先見，間接令到今日繪畫市場上減少左好多競爭對手，間接令我苟且搵到餐晏仔，打破左你種先見。但同時我要鬧爆你! 你要佢去學︳但唔准佢去愛上，唔准佢全情投，只保持響一個興趣層次，呢個簡直係人世間最大既矛盾! 矛盾得足以令一锢細個仔痴線! 要搵到食，所以你希望佢將來讀醫讀法律! 因為環境愈來愈差只會愈多人睇醫生因為社會道德愈敗壞就愈多人要打官司所以不愁衣食! 咁我想問你: 如果將來佢醫學院畢業後同你講佢要跟無國界醫生去山區做義工咁你會有咩反應? 如果佢明知果個人犯罪但又要幫佢打甩場官非咁你會點教佢? 你要佢做個好人定係做個好有錢既人? 我唔明，如果你只擔心佢第日搵唔到食，咁點解你唔一早響佢三歲既時候就俾佢學財經? 一早俾佢知道咩叫<聯繫匯率>，<認股證>，<道瓊斯指數>! 呢家野我到三十歲人我都仲未知係乜所以我都未搵到食! 你早d 俾佢知道世界金融市場點運作啦! 早d 俾佢認識投資基金既竅門啦! 三歲教佢儲蓄六歲教佢買股票十歲開始妙樓咁佢大個左係一定搵到食我話你知!喂! 大家成年人不妨坦白d 認左佢: 全香港最搵到食既就係呢種人! 你要佢搵到食又唔想佢咁現實? 邊有咁著數架? 你不如旬望佢搵夠食之後大個左先開始學琴學畫啦! 咁起碼到時佢係真心鍾意真想學丫嘛! 你咁早要佢學琴棋畫做咩啫? 你教佢做生意啦不如! 你要佢學法文學來做咩啫法文! 一日上幾堂佢壓力大過你呀! 你睇下你迫到佢!
No comments:
Post a Comment