轉載櫻

西門，這是我大學同學，最近寫給他中學好友的一篇文。
請耐心細閱。

You may say he is a dreamer

朋友，同一件事情，你要經歷多少次失敗才足夠令你放棄呢？
或是問，你能接受多少次失敗？你能承受多少次失敗的打擊？
而且，失敗與打擊過後，圍繞身邊的都是一群討厭的人。
要擺脫失敗，你必須年復年日復日地幹著自己不喜歡的事。
每逢機會來臨，你便急於跳出厭倦了的環境。
可惜每一個嘗試，都以失敗、失望、失落為終結。沈重的打擊再度把你逼回厭倦的境況。
接二連三的挫折動搖了你的心志，你開始懷疑自己的動機，你開始懷疑自己的能力－－究竟多年來的追求是否不切實際？

你面對抉擇，你墮入沈思－－朋友，失敗對於你是甚麼？考驗？折磨？啟發？
還未歸結出甚麼答案，你便要害怕，害怕堅持下去只會令自己一無所有。
就這樣，三年了。
不喜歡的人和不喜歡的事不經不覺纏著你三年了，因為三年來的追求都是失望而回。
可是，為甚麼你還不放棄呢？你現在得到的其實比一般人都好多了。你就不能滿足嗎？

「做醫生始終係我o既理想。」

你沒有漫畫主角般不可理喻的勇往直前，事情也沒有科幻小說般錯亂心神的高潮迭起。
失敗沒有鍛鍊你的意志，它只使你更加害怕，但你跌倒後，還沒站直身子便再作嘗試。
由始至終你都不是要向誰證明甚麼，只是你的再接再厲恰巧美化了你的靈魂。
你比誰都更活生生，比誰都更真實。
於是你踏進了不一樣的世界。三年後的今天，你終於能踏足理想的國度。

「中大收左我喇！」

隔著話筒，傳來你的喜悅。
豪哥，你係得o既。

--轉載自卓的《櫻》

文雀 & 丁丁(Ting tings)

男人通常都係為兩樣野煩。
唔係為錢，就係為女
扒手，都係男人來啫。

男人，(特別係佬(特別係麻甩佬))
見到靚女俾人蝦
總會條件反射咁訓晒身幫手
自己身陷險境都唔理

成功左
唔見得會有乜野報酬
亦唔會顯得你行俠仗義
盜亦有道?
out 啦，都唔係果回事。
見到靚女唔開心
我愛猶憐...
唉，咪幫手囉。
係呀，lulu，男人有時就係傻下傻下。

全戲所有風景都係取自中、上、西環
配合埋強烈中國風的音樂
真是很有特色

講起風景
老豆、大伯、叔仔
全個男家都是在中西區長大
現在嫲嫲還是住在西營盤
其他堂兄弟姊妹都還是住在港島區

作為唯一住在九龍半島的孫
一直對中西區有著無限響往
在大口環實習過後
更加覺得自己是應該屬於這區的
遲d 儲到錢一定要搬返去果邊住!
-------------------------------------

The Ting Tings - That's not my name


sometimes no need to strip off clothes to be sexy...
maybe the hair
maybe her outfit
maybe her voice

I cannot figure out why...
but i think she is really hot.

低清老翻王

捉鬼敢死隊果段真係笑到癲，哈哈!
也證實創意是很重要的...

荷李活式的飛機大砲很華麗
所以值得我花$60 入場睇?

咁創意呢，幾多錢的創意才能讓你入戲院?
這套戲本身就是充滿創意的小創作
還原基本步啊...

後半部分睇到我有少少感觸
回想起自己在f.3, f.4 的荒唐日子...
我、洛文、子豪、Eric 比jack black 和 mos def 遇要厲害...
7 年前已經swede 《mission impossible 3》...
比吳宇森的原裝正版還要棒哩~~

有機會要upload 上來，俾大同開開眼界~

至於大學嘛，也是培養到創意的
以下是我swede 的《Monster-in-law》

領銜主演：Cheung 'Lang' Ki 張靚琪
(希望她沒睇到這最後兩行...)

點解落雨總係揼響我身上

愛你愛足十二年

U Conn, Bucks, Sonics, Celtics...
由大學到生涯尾聲...
我追隨你的右手，已經追了十二個年頭...

明星賽、三分賽

你去到哪兒，就準到哪兒

射控傳，姿勢都流暢、優雅得不可思議

就是發夢，也模彷不到

但是....

他們說你是個軟蛋

一個跟丹素華盛頓合作拍 (You got game)的軟蛋

一個不會防守的軟蛋

一個永遠只能屈居在kobe 之下、成為'96'屆 第二SG' 的軟蛋

過去的一年

高潮迭起

季前賽

你說不習慣自己沒被敵方包夾

所以投不準

連Johnny 都取笑你，話"豈有此理"

轉眼間

已是季後賽

你陷入低潮

一分未得

他們說你是big 3 的負累

他們說你老了
他們說你不行

以前打波的朋友都說: 你的ray allen 好似唔掂啦喎

我知道不是的

很多forum 上的die hard fans 都知道這不是事實

你是會為團隊犧牲的人

球隊沒有為設計戰術

你卻沒有放棄球隊

在一片謾駡聲中

你有自己的一套想法

時刻尋找更好的出手機會

鍛練自己最弱的防守

好讓自己不會成為防守的罩門

那些命中率、數據、由他去罷

讓球隊變得更好

讓自己變做更好的team player

你無放棄過變強

我們做fans 的亦唔會放棄你

你是個33 歲的老將

卻要跟著rondo 打快攻;

你的一對腳踝長滿骨刺

卻玩命的練習那彈得老高的跳投;

你的小兒子有糖尿病、急病入院

卻能同時兼顧球賽和家人

「以行動說明一切」

G4 & 5 與 kobe 平分春色

Last game 3 point 9中7

這就是最好的答案

永遠忘不了你在《The game》所展示的mind set:

"I didn't shot it bad. The ball just didn't go in, but i shot well."

就是這分自信、這分謙讓

讓我知道自己想成為甚麼樣的男人

Great player, Great person, You deserved to be a champion.

Grad din 後感

Grad din 圓滿結束了
感概良多啊...
記下某些印像深刻的吧

1.
我是有份負責點票的
所以在公佈前，多少知道結果
在點票時發現自己在某些項目有票
感覺是很特別的

在得知那寥寥數票是自出哪個朋友/同學，就更加有感覺
會不其然想起大家3 年間的相處
會淡淡回想有哪些經歷
令投票者對自己有咁既印象

整個回想都是靈光一閃的
不是太仔細那種...
感覺蠻滿足。

2.
我想matthew 並不太記得學生的名字
可能是教過太多學生罷 (fyp 跟佢的，也記不住...)

當大家在看year 2 時，matthew 帶領我地唱《命運》既片段
在我腦海浮現的卻是片段以外的片段
我記得唱完《命運》
Matthew 抒發了他對ha 和 ngo 的看法
然後向坐得最近他的學生，隨興地問了個問題
"如果你一個fresh grad，在一個sw in-charge 既地方做野，你點算? 點seek help?"

那學生就是我。
我答︰埋堆囉。
matthew 答：你又唔靚仔，邊個得閒睬你。
然後是哄堂大笑

在那時起
我的想法就有一點變化
開始有心理準備去ngo 單槍匹馬
"係喎，如果得我一個，我應該點樣求存呢?"

3.
這一部份，一開始不知道怎樣寫...
但這兩三天總算有點眉目，知道如何表達

這個grad din 真的很繁忙
每個人都忙得坐不下
好像連傾計影相的機會都無乜

大家都是表演呀，甚麼的搞一大餐
我曾有想過這很無厘頭
志在娛賓，做乜落咁多心血呢
好似steph 咁，又要改譜，又要夾歌，超難
唱歌較易，順著音樂唱，總能唱出些東西
唱得不好聽，也就一招了，大家也不太介意
玩樂器的卻很難，就是隨便吹吹，也要一定的練習
不容易啊...

小弟一直都想推甩玩魔術這部份
就做wincy 的小助手算了
魔術的要求可能比音樂還要高一點
一招不能用兩次
所以一出招就要完美
單是完美也不行
要想辦法令人覺得不可思議才行

一來不想因為自己生疏而abuse 左個trick
二來不想別人覺得我對待魔術是求求其其
掙扎了好一輪才決定"洗濕個頭"
時間實在相當的緊逼，日頭出左去玩，夜晚閉關狂練

grad din 當晚時，胃口實在是差
太多瓣數要幫手了...總係坐唔定
當見到photo slideshow 時，也有一點可惜
自己有好多memorable photo 想俾anthony加埋落個slideshow
但為了趕trick，根本沒有空...

我覺得自己表現已是相當的好了，氣氛也不錯!
回想一開頭，得6 條友負責既"所謂grad din committee"
果陣豬皮灰到震...哈哈
當時唯一信念就係：
"你放最多力落去，最後最滿足的一定是你自己，無人可以代替你拎呢份喜悅"
我想，這個結果總算是兌現了這信念。


待續...

我無拖拍喎

一堆人無無聊聊就會談情說愛
講東講西講天講地
大同中同還不是一樣

第一句問候永遠是
你係咪拍緊拖
第二句問候大概是
無，就不如搵返個啦
係喎我獨身架嘛
差d自己都醒唔起

(咁哩，以下既部份，我又要以畫為喻一下，再繼續講)

話說
今晚同培正友去花墟打波
好日都唔約出來做一次運動
都係志在聯誼啫

大家傾盡全力去打
多次deuce 下，竟然以弱勝強咁贏到一場，真係奇蹟
打完大家連企都企唔穩

我估奇蹟贏波既原因哩
係我唔似得中學咁，再在乎比賽贏輸
以前只係一味想贏、贏、贏
覺得贏就係一切
打到火藥味極重都唔在乎
會有種" 我贏左喎，你咬我食咩，成王敗寇嘛"

呢家哩
我淨係想投入響每一個細節當中咋
集中d、做好本份、等待機會來臨

打飛我副眼鏡
俾敵隊hard foul
同隊友誤會
3 年前
我會為呢幾個scenario 給予同一個反應︰屌你

呢家，我一定唔會咁做
俾d 耐心
專心做自己野
好事也許真的會來
好似今次咁
就係好例子

比賽與生活，何其相似
情緒控制
溝通技巧
解難能力
太多相似之處了

作為一個男朋友
我想現在的我
應該會比以前進步

獨憔悴

我常抱著一個觀念
不肯定的事
就乾脆不要有想法

要是有了想法
當知道事情的真相後
反應就會變慢
更甚者會驚徨失措

經過了這趟旅行
對身邊人有了更深體會
對自己也有更深體會
也更明白上述這個道理

因為重視朋友
所以才對朋友有期望、有要求、有想法

當你觀察到朋友一些行為
與你心目中的他/她不同
你會覺得可惜, 難過, 難以接受

越有期望 越易失望


一句順其自然
誰人不懂說?

知易行難呀

我的口供

我知道你地一定會睇
所以就響度打!
(其實是怕尷尬吧...)


(click photo to enlarge)

世上有好多好人
大部份都住在浮羅交怡

至於剩下的小部份好人
我很慶幸能認識當中的六個
何揚柏
馮文樂
張斯琪
黃秋婷
梁惠婷
關永傑
肯捱義氣陪我捱到尾
我會永遠記住你地同埋呢件事!


後記︰
大家都有安慰我
我是絕對Feel 到啊...
我並不是扮cool 扮無野唷
(真係整唔見左，我屋企人一定會要我賠T_T)

我唔係唔著緊部相機
而係更著緊相機入面既野

入面既相係呢幾日既精華
唔見左真係會好遺憾

不過
如果為左呢件事而搞到7 個人唔開心
咁就會將剩低既一日精華都會浪費埋
這樣更不划算啊...

所以，我想
就當成是一次突發性既遊戲囉
大家都要開心d
如果我作為主人公不釋懷的話
大家心入面也會un 住un 住吧

所以哩
"新假期封面女郎"
其實我明白你的意思啊
我擔心部相機架
但比起部相機
見你響車咳到傻
我仲擔心T_T

最後大團圓結局
真係好夠運
好多謝大家支持到最後一刻!

年半前的洛文，半年後的洛文

年半前
與洛文到新世紀M 記食雪糕
記得他深刻的一句
「二十歲已過了，我覺得走向目標已經太慢啦。直情要跑先追得返D時間。」

年半過去了
他是否找到了自己的目標?
我不知道
只知道他明天要飛走了
一去就是半年...
做兄弟的一定支持

未來的半年
希望你可以尋找到你真正想要的東西
做你想做的事
一路平安，走好！

半年後見。