戲 x 戲

又看了兩套戲。
一新一舊，先說舊的。
有內容，會睇戲的勿看。


《2001 大空漫遊》
抱住小觀眾的心態，看大師最具爭議性的鉅作。
第一段換第二段的剪接鏡頭，睇到呆左...
果然如CD 封底所講，是有史以來最匪夷所思的剪接鏡頭。
真係睇完要即刻回帶睇多次果種。

最後房間果幕又係好變態。
把空間、時間玩到冇得再玩了，連神都玩埋。西利西利。
點解d 人個腦可以諗到d咁既野架?

1968 年估計，2001 年將會有完美既人工智能?
原來科技冇想像中咁快。完美，實在太難達到啦。
看畢電影，體會到站在科技最前端的人，原來不是科學家，是藝術家。
曾經有人講過: "Science - fiction writers are not to predict future，but to prevent future."
果真如此。



《c+ 偵探》
睇到網評話大讚，就和卓去了看吧。彭氏兄弟，都有點期望架。
反正我之前又冇睇過《父子》，唔知郭富城點爛法喎。

睇完，覺得好似仲未完咁。
故仔其實冇想像中咁複雜，不過太多線頭線尾啦，感覺幾零碎。
也許是刻意營造多條假伏線的吧。
若果真是這樣的話，我覺得最有趣的就是阿琛和澤sir 的假復線。
成套片好似不斷強調一個概念：最親近的人往往就最有嫌疑。

結局竟然食返老本行，相信這才是觀眾最意想不到的吧。
再想一想，這麼多個人死，竟然沒有所謂的兇手，其實也頗特別的吧。

講真氣氛真係好緊張，有笑位又有驚嚇位。
大量既短鏡加剪接，都幾過癮丫。

c+ 偵探，rating絕對好過c+ 嘛。