名校生又點喎

我想確認一件事

係咪名校就會出叻人?

當我同人講
自己中小學一條龍讀培正
總會引來聽眾小小的起哄
甚麼成績好
甚麼校風好
我總是含糊其詞
往往一句回絕：「傻啦，誇張左啦...我地都係好普通既學生」

人地向我戴高帽
我卻自己知自己事

回想我的個人經歷
知道自己讀書為左乜
以及自己既目標係乜
係入唔返精英班之後既事
係會考滑鐵蘆傍徨到喊之後既事
後來高考，在眾人看淡之下
出現灰姑娘式的故事，竟然有U讀

名校內，也有一些想力爭上游，想發奮的人
當大家以為"苦盡甘來"的劇本，只適用於無名學校的苦讀生
其實不盡正確架...

有名師指導是好
有強大資源支援是好
但如果無呢?
係咪就唔會成功呢?

讀左三年大學
理應明白
進步是自己努力爭取的
並不是別人加於身上的
就算你、我、他都是被香港填鴨式教育寵壞的年輕人
也應該體驗到，在大學、在社會立足，是不能這樣被動的
永遠不能指望有個人正正式式咁「教」你做野

響ADA 既呢一刻
無人篤住我既documentation來鬧
無一個固定的OT supervisor 去管我既 group plan
但我無諗過要撻皮...
可能會唔知自己走既路0岩唔0岩
可能會走多左冤枉路

不過我信，只要努力求變、求進步既心態仲響度
總會殺出一條血路...

昔日曾是名校水皮懶學生
現在就讓我裞變成小型NGO的叻OT吧!

話分兩頭講，以上的長篇大論
不是說我就不會入HA，或其他大機構
它們肯高抬貴手Call 我的話
我當然也會慎重考慮...

我只是單純覺得...
名與不名，一樣都可以變叻啫，心態至上。

就當此文是我一時三刻寫出來的個人感受吧。