又衰收尾

去到placement 尾，又作病啦，唉~
上次響TMH 又係咁，好似突然氣力放盡咁...
不過今次有點不同，係俾CRP抽乾左個人...
所以先開始病。

同patient出街真開心
克服了上次tilt 車落坑的糗事
成功一次過tilt 兩架，食飯時間的苦練果然有用

amputated伯伯講左句說話
令我好難忘
「哇，尖東果邊多人到哩...
嚇到我腳都軟埋
我得一隻腳之嘛...」

---------------------

MMRC 的週五聚會 - 唱case
今日唱case，見到成台都係禮物，原來係露比老細返左來
估唔到我地學生都有禮物收，收獲係每1一隻杯！
我好開心咁同陳迪講：呢鑊掂啦，杯呀，MMRC 請我地呀！
陳迪︰點解呀？
我︰我地不嬲都用水樽架嘛，實習尾先送兩隻杯來，仲唔係想我地留落來? 哈哈哈哈~

----------------------

我反應快了。

樂哥︰阿milk，你地近派係咪有試考?
我︰咪我上次講，學校規定要考個試(GLSPA)囉，冇fail grade架喎。
樂哥︰哦，咁樣。我聽人講話你d 同學好緊張，出緊place又要準備考試咁話。
我︰其實唔駛點緊張喎，果d spoken test ，認認真真去考，冇乜衰。
樂哥︰哦...咁呢d情況睇得出每個人對考試既準備，即係有d 人好認真，有d人就...(呀哈哈)
我︰我呢d 叫有自信。
樂哥︰下話...
我︰我覺得我地做野要識分輕重，實習係重。
樂哥︰呀哈，唔錯唔錯！(笑) 我地做野係應該要有priority 既！
樂哥︰..........咁我都知，要應付吳生係比較辛苦既(笑)。
我︰咁又唔係淨係得吳生俾case 我既。
樂哥︰你趁鄭生唔響度咁講佢，又唔0岩喎。
我︰等緊你呢句啦sir，個conversation我一定要俾你羸既~

(樂哥，吳生，鄭生係會俾case 我的3個OT，吳生為我mentor)

我想

我想
我是時候去想一想畢業旅行的事。

我想
我是時候買一部相機學學拍照。

我幸運
旅行和拍照，這些奢侈品
我在年幼時已經有充足機會接觸

成長中的某段時間
我都厭倦了這兩樣東西
我不覺得自己是被寵壞了，而是腦海中有些想不通
想不通做這些事的意義

現在聽到中學同學們
如數家珍地談論相機配件、拍攝技術
如數家診地談論各地名勝、bag pack 遊歷、exchange 體驗
我默然不語，心跳卻在加速，想豎起耳朵聽清楚每一個分享

這三年間，從一個不同角度看世界、認識人
沉澱歷練夠了又再上路，不覺得落後之餘
更會學懂珍惜

如johnny 所講
不只懷緬過去，我們family 還可以分享大家各自的現況
其實這不單只中學同學的
大學朋友也是如此

當我提著大背囊、拿起相機的時候
我會知道自己有幾斤幾兩
我會知道自己準備好了
不管是順境逆境，我都準備好了

實習尾聲，回家途中
不知為何彈出如此念頭思緒
嘿嘿。

人為甚麼要有分別

期待這《神探》很久了。

有人說很爛，有人說好看，所以還是入場了。

就如某些網上論壇的評論，戲軌和漫畫《異能者》類同

有看過漫畫的人，應該會很明白戲中的「鬼」是甚麼一回事
沒看過漫畫的人，相信亦可以在戲中慢慢理解


我覺得「心魔」這說法不太好，
字幕所寫的inner personalities 也不對頭
講到底，還是freud 的 ego, superego, id 比較恰當。

是的，生活在一個功利掛帥的社會
我們的腦海中都有一個絕對的司令官 - 理智
像林家棟吧，他心中有6個不同的 id
最後還是理智戰勝情感，superego 話晒事

嚴格來說，superego 的著眼點是道德 (moral)，而不是理智
因為要遵守社會道德，所以我們的 supergo>id，展示出一個守紀的 ego

但你看現實生活是甚麼回事？本末倒置了。
理智的司令官告訴林家棟、安志勇
編造謊話才是最好的選擇，最有利自己的選擇

現實的林熙蕾變了利己的高級督察
論人格，還不比上昔日的、殘留在彬sir 腦中的林熙蕾

社會需要的是理智，不是道德。
就算你神得可以代入角色尋真兇又如何?
不需要道德的世界，還需要真相嗎?

「我也是人，為甚麼要有分別？」
是的，當全世界也棄道德不顧，眾人皆醉我獨醒又有何用?

「彬sir，警隊不需要你了，這世界沒人需要你了。」
社會若腐敗至此，真的沒有存在的必要。一點也沒有。

Mentor 偉信

又一週了，突然發現，我mentor 冇乜點派case 俾我，加起來只有兩個。一個spinal，不過接手時已經快轉做day pt.，一個trauma，主要都是留院等FWB。嗯，情況好像不妙...大部份的case 都是樂sir給我的，而他又認為我的documentation 頗爛...

在此介紹一下我mentor Vincent Ng。對於去mmrc，卻能跟到vincent，我覺得是一種福氣。這不是說樂sir 不好，而是vincent 確是完全不同風格的。

樂sir 是第5屆的，而vincent 是第6屆。對於輩份高低的話題，mentor 如此說︰「我到現在還是一個OT I ，有些年輕的後輩己經是SOT了，做野掂，學識又夠update。係唔係一個好OT ，不能用輩份和級數區分，很多OTI 做左好多年也是不學無術。有些不夠時運的，有料，卻面對人手擠冗，現在還是OT II，也是沒辦法的事。」

老實說，我覺得他真的不用這麼謙。

與Rebecca mid-way 傾過計，更認為他的老套對白， 真是謙過頭了。

Rebecca︰「Milk，你知道vincent 專長係乜野?」
我︰「Spinal。」
Rebecca︰「係。佢響呢方面實在太expert啦。我諗佢響呢方面已經係最頂尖果幾個，一時間都諗唔到有邊個做到佢咁犀利。你地有機會就要好好學啦。」
我︰「我覺得吳sir 好勇，我地做錯左大野，佢都叫我地照去，唔可以因為錯誤而放慢進度。」
Rebecca︰「佢做過太多case囉，我相信佢響 take risk & safety方面計得好準，你地放膽做就可以，哈哈。」

Rebecca 認識的猛人一定很多吧，但這是第一次聽到她特別讚賞某一個治療師的。我想，在餘下的兩週，真的要再主動點學些東西才是。

一週高速掠影

接近10 天沒有打日記，現在補回亮點︰

1/12 國際復康日，海洋公園外展日，我第一次坐跳樓機，一個人坐，感覺係︰條氣頂住左，原來咁高速下係嗌唔到既。

1/12 同日黃昏，回到了理大，與family 和媽子影high dip. grad photo，還見到了拓，vivien，k，janice 等人。啊，就只剩我一個人未畢業了...然後呢，在瘋狂的麵軒吃過瘋狂的火鍋後，我在hall 天橋遇到馮氐伉儷，於是沿地我們展開對話，歷時一小時三十分鐘...

4/12 十二月四日，也就是昨天，我和pt. 在自理訓練房間，過屎塔過到一半時，老闆何姑娘破門而入，我先打一個突，然後抬頭一望，哇，這是真是假哪!?玉瑩小主！黃晶瑩！比電視更漂亮喎！半秒之內，我又低下頭過我的屎塔，然後不久，他們就走了。 當天接近尾聲時，我跟阿迪交待了這件事。他說︰我見到，個女仔靚就靚啦，不過唔會係黎姿囉，都唔同靚法，你眼花。好，就當我眼花啦，但我心想，既然上個月在瑪麗的腦科病房見到黎姿弟弟的名字，會落來大口環跟進，其實不是不可能的唷。

5/12 今天，發生了頗意想不到的事。原本只是打算咨詢一下Vicki梁姑娘的專業意見，結果俾人逗左成個鐘。不斷問書，好彩閒時都有少少準備，叫做答得幾咀，有些部份還是被她拋窒了。我不道她是個性如此剛烈的人，雖然她的臉孔告訴我，她是，但是我又不願相信。結果出來了，我錯了，她是。好吧，可能她想捉住我們"教導"一番很久，又或者說，她和其他人年紀差較遠，找不到孔道發洩...她說這兒case少，workload 少，所以要更主動去搵野做，掉轉頭俾壓力阿sir。基本上係冇錯既，不過有點兒茅盾。case少，樂sir鼓勵我們跟每個pt. 都做individual training; case 多，就乾脆每個pt. 都少做，分一點時間給他們每一個。咁所以，case 數量多少一樣唔會有空閒時間...另外，她說她和rschung 一屆，噢...

放工時，講開病人聖誕派對事宜，樂哥說演藝人協會會來助慶，所以我們也是充撐一下場面。然後他說，演藝人協會的藝人，盡是你說不出名字但又朝見口晚見面既藝員，不可能像昨天那個一樣出名。呵，我沒眼花啊！那是她真人！我本身對藝人興趣不是很大，但是她算是我半個師姐啊，實在很難相信，培記的生態有可能培育出這種級數的樣子的女生...雖然，我們都知她初中就與某港產動作漫畫家"結緣"而輟學了。話說回來，如果黎姿唔係黎姿果種靚，咁即係邊種靚呀...迪﹖

整篇日記的調調怪怪的吧，篇幅比例怪，用字怪怪，實是苦心經營的。由於樂哥說︰"care free 新一代寫不好progress notes，應該需要學寫故事書" ，那我就好好練一練，希望可以快點有突破吧。
------------------------

好，以兩句是日金句，並融合斯琪張的xanga方式結尾吧。

陳寶珠來啦，讓開! ～哈哈哈

唔係呢種濕鳩響喎～～hehe